你好嗎? 自2019年「社交閃星星」暑期班到依家已超過一年，CC姐姐同太陽哥哥好掛住各位小朋友呀。知道喺停課期間，大家都要喺屋企學習，無乜機會同朋友一齊玩。

為咗可以再次見面並重拾歡笑聲，最近幾個月，我同太陽哥哥開始用Zoom同小朋友玩互動遊戲。每個時段大約40分鐘*，會邀請四至六個家庭參加 (每個家庭不多於 1個大人+2個小朋友)。內容包括玩互動遊戲和反思回味。希望喺足不出戶既情況下, 用新既方法同大家連繫, 互動同埋繼續推廣遊戲教育。

另外，我哋打算喺 9月17日 (四) 舉辦一個Zoom 聯歡會。到時廖秀卿博士(Sylvia)、CC姐姐同太陽哥哥會同小朋友、家長係網上見面，傾吓近況同埋玩大組互動遊戲，名額有限，先到先得。

*遊戲開始前，我哋會提前10分鐘同家長及小朋友傾吓計，熱吓身。另外，我哋會將遊戲過程錄低留為內部記錄，觀察新嘗試係咪適合繼續推行。

想知道網上互動遊戲點樣玩，可以去Facebook睇吓：
https://www.facebook.com/watch/v=287138845705557&extid=GZw41Ipe3DCwRRLM  

有興趣的話, 請填妥以下資料, 我們會盡快回覆你。
此項活動，費用全免，快啲報名啦！